لاہور (نمائندہ خصوصی) لاہور میں متعدد وارداتوں میں شہری لاکھوں روپے طلائی زیورات موبائل فون موٹرسائیکلوں اور گاڑیوں سمیت دیگر قیمتی سامان سے مرحوم ہو گئے۔ تفصیلات کے مطابق شمالی چھاؤنی کے علاقہ میں ڈکیتی مزاحمت پر ڈاکوئوں کی فائرنگ سے نوجوان زخمی ہو گیا۔ زخمی نوجوان کی شناخت عمر کے نام سے ہوئی، جسے ہسپتال منتقل کردیا گیا، ڈاکو اسلحہ کے زور پر عمر سے نقدی اور موبائل فون چھین کر فرار ہو گئے۔ ذرائع کے مطابق ڈیفنس میں ڈاکوؤں نے شاہد کی فیملی کو یر غما ل بنا کر 3لا کھ 90ہزار کی نقد ی وطلائی زیو رات و دیگر سا ما ن، پرانی انار کلی میں ڈاکوؤں نے ماجدکی فیملی کو یرغمال بنا کر3لا کھ 55 ہزار روپے مالیت‘ نشتر کالونی میں فریدکے گھر سے3 لاکھ 25ہزار مالیت‘ باغبانپورہ میں سرورکے گھر 2لاکھ 65 ہزار مالیت‘ نواں کوٹ میں ذوالفقا ر کی فیملی سے 1 لاکھ 45 ہزار مالیت‘ ساندہ میں خرم کی فیملی سے 1 لاکھ 10ہزار کی نقد ی وطلا ئی زیورات اور دیگر سامان لوٹ لیا۔ ڈیفنس، نشتر کالونی اور مسلم ٹائون سے 3 گاڑیاں جبکہ مغل پورہ، سمن آباد، اقبال ٹائون، ہربنس پورہ، کوٹ لکھپت، گلشن اقبال اورسبزہ زار سے موٹر سائیکلیں چوری ہو گئیں۔