لاہور(نمائندہ سپورٹس +سپورٹس رپورٹر) کراچی میں جاری قومی سنوکر چیمپئن شپ میں حمزہ اکبر کی کامیابیوں کا سلسلہ جاری ہے۔ ٹورنامنٹ کے پانچویں روز چار سال بعد قومی سنوکر سرکٹ میں کم بیک کرنے والے حمزہ اکبر نے خیبر پختونخوا کے محمد عمران کو چارایک سے شکست دی۔دفاعی چیمپئن محمد بلال اور ورلڈ امیچرچیمپئن محمد آصف بھی پانچویں روزکامیاب ہوئے۔ اسجد اقبال ،آصف ٹوبہ، بابر مسیح اور سہیل شہزاد نے بھی اپنے میچز جیتے۔بابر مسیح نے خضر عزیز کیخلاف ٹورنامنٹ کا سب سے بڑا 139 کا بریک بھی کھیلا۔