کشمیری عوام سے بے حد محبت کرنے والی قوم ہیں:اطہر علی خان
لاہور (کلچرل رپورٹر)لاہور آرٹس کونسل الحمرا کشمیریوں کے ساتھ اظہاریکجہتی کیلئے باقاعدہ پروگرام پیش کر رہی ہے، نمائشیں، ڈرامے، ملی نغموںکے پروگرامز،واک، سیمینار میں کشمیری عوام کی جدوجہد آزادی کو نئی نسل میں روشناس کروایا جا رہا ہے۔یوم یک جہتی کشمیر کے موقع پر کوئٹہ سے خصوصی طور پر گلوکارو ں ساحر خان اور سونینا خان نے شرکت کی ۔الحمرا کے پلیٹ فارم پر پرفارم کیا جسے بے حد پسند کیا گیا۔ایگزیکٹو ڈائریکٹر لاہور آرٹس کونسل الحمرا اطہر علی خان نے کہا کہ ہم کشمیری عوام سے بے حد محبت کرنے والی قوم ہیں، کشمیری عوام پر بھارتی جبر واستبداد کی پرزور مذمت کرتے ہیں۔
