راولپنڈی (اپنے سٹاف رپورٹر سے) راولپنڈی کرکٹ سٹیدیم میں پاکستان اور بنگلہ دیش کے درمیان ٹیسٹ میچ کے کیلئے سکیورٹی کے ا نتہائی سخت انتظامات کر لئے گئے ۔سٹیڈیم کا کنٹرول پاک فوج کے دستوں نے سنبھال لیا ۔کرکٹ سٹیڈیم کے باہرپانچ ہزار پولیس اہلکار سکیورٹی پر تعینات کئے گئے ہیں ۔نواز شریف پارک ، فوڈ سٹریٹ ، آرٹس کونسل مکمل سیل کر دیئے گئے‘ ڈبل روڈ کو شمس آباد سٹاپ سے آئی جے پی نانتھ ایونیو تک سیل کردیا گیا۔میچ کے دوران ڈرون کیمروں سے سکیورٹی نگرانی کی گئی۔ میٹرو بس ٹریک سمیت بلند عمارتوں پر پولیس کمانڈوز لگا دیئے گئے۔ سٹیڈیم میں چاقو ، چھری ، لائٹر ، سگریٹ ، غبارے ، موبائل فون لانے پر بھی پابندی لگا دی گئی۔ ڈبل روڈ پر تعلیمی ادارے بھی آج سے بند کردیئے گئے ۔