لاہور(نمائندہ سپورٹس+سپورٹس رپورٹر) پاکستان کے طیب اسلم اور ملائشیا کے ایوان یون چیف آف دی نیول سٹاف انٹرنیشنل سکواش چیمپئن شپ کے فائنل میں پہنچ گئے۔ چیمپئن شپ کے سیمی فائنل میں ملائشیا کے ایوان یون نے مصرکے میزان جمال کو 36 منٹ میں 0-3 سے ہرا دیا۔دوسرے سیمی فائنل میں پاکستان کے نیشنل چیمپئن طیب اسلم کا مقابلہ ہانگ کانگ کے ہنری لیونگ سے ہوا، طیب نے 0-3 کی کامیابی کے ساتھ فائنل کے لیے کوالیفائی کر لیا۔20 ہزار ڈالرز کی انعامی رقم کی چیمپئن شپ کے فائنل میں ٹاپ سیڈ ایوان یون اور پاکستان کے طیب اسلم مد مقابل ہوں گے، فائنل میں کمانڈر پاکستان فلیٹ مہمان رئیرایڈ مرل آصف مہمانِ خصوصی ہوں گے۔