لاہور(سپورٹس ڈیسک )نیوزی لینڈ نے بھارت سے ٹی ٹونٹی سیریز کی شکست کا بدلہ لے لیا، دوسرے ون ڈے میں شکست دے کر سیریز دو صفر سے اپنے نام کر لی۔ نیوزی لینڈ نے 8 وکٹوں پر 273 رنز بنائے، تجربہ کار مارٹن گپٹل 79 اور راس ٹیلر 73 رنز بنا کر نمایاں رہے۔ چاہال نے 3 وکٹیں حاصل کیں۔96 رنز پر آدھی بھارتی ٹیم پویلین لوٹ گئی‘پوری ٹیم251رنز پر ڈھیر ہوگئی۔لیر نے 52 اور جڈیجا نے 55 رنز کی اننگز کھیلی۔ بینٹ، ساؤتھی، جیمیسن اور گرینڈہوم نے 2،2 وکٹیں حاصل کیں، جمی نیشم نے ایک کھلاڑی کو آؤٹ کیا۔ہوم ٹیم نے بھارت کو تین میچوں کی ون ڈے سیریز میں 0-2 سے شکست دے کر ٹی ٹونٹی کی ہزیمت کا بدلہ چکا دیا، بھارت نے پانچ میچوں کی ٹی ٹونٹی سیریز میں کلین سوئپ کیا تھا۔