لاہور (سپورٹس رپورٹر) چیف منسٹر پولو کپ بی این پولو ٹیم نے جیت لیا۔ فائنل میں دلچسپ مقابلے کے بعد راوی پائپ کی ٹیم کو 5-4.5 سے شکست کا سامنا کرنا پڑا۔ مہمان خصوصی وزیراعلیٰ پنجاب سردار عثمان بزدار تھے۔ بی این پولو ٹیم اور راوی پائپ کے درمیان میچ کافی دلچسپ رہا۔ راوی پائپ کی ٹیم کو اڑھائی گول ہینڈی کیپ کی لیڈ حاصل تھا۔ بی این پولو ٹیم نے تیسرے چکر میں جا کر لیڈ حاصل کی۔ خوان ماریا رئیوز ٹی ٹو نے تین جبکہ بابر نسیم اور ثاقب خان خاکوانی نے ایک ایک گول کیا۔