لاہور(سپورٹس ڈیسک )قومی ٹیم کے بلے باز بابر اعظم نے کہا ہے کہ میرا ٹارگٹ ہے کہ یونس خان جیسا پرفارم کروں، کوشش ہوتی ہے ہر میچ میں اچھا کھیل پیش کروں۔ قومی ٹیم کے نوجوان بلے باز بابر اعظم نے نیوز کانفرنس کرتے ہوئے کہا کہ نسیم شاہ نے شاندار بائولنگ کی، نسیم شاہ کم عمر میں بہت اچھا بائولر بن گیا ہے۔ نسیم شاہ کو جو پلان دیا جاتا ہے وہ اس پر عمل کرتا ہے جبکہ یاسر شاہ کو تمام کھلاڑیوں کی سپورٹ حاصل ہے، امید ہے یاسر شاہ زیادہ وکٹیں حاصل کریں گے۔ کوشش کرتا ہوں ٹیم کے لیے اچھا سکور کروں، 10 سال سے ہوم کراؤڈ کو مس کررہے تھے اب بہت اعتماد ملتا ہے، راولپنڈی کی عوام نے ٹیم کی بہت حوصلہ افزائی کی ہے۔ میری کوشش ہوتی ہے کہ ہر میچ میں اچھا کھیل پیش کروں۔بنگلہ دیش کو آئوٹ کرکے میچ چوتھے دن جیتنے کی کوشش کرینگے ۔ تمام کھلاڑی میچ میں کامیابی حاصل کرنے کیلئے پر عزم ہیں ۔