اسلام آباد (اے پی پی)پاکستان سنوکر فیڈریشن کے زیراہتمام جار جوبلی انشورنس سنوکر چیمپیئن شپ میں محمد احسن جاوید، شاہد آفتاب، محمد آصف اور اسجد اقبال نے سیمی فائنل کے لئے کوالیفائی کر لیا۔ گذشتہ روز کراچی میں کھیلے گئے پہلے کوارٹر فائنل میں محمد احسن جاوید نے علی حیدر کو 5-0 سے، دوسرے میں شاہد آفتاب نے مبشر رضا کو 5-4 سے، تیسرے کوارٹر فائنل میں محمد آصف نے بابر مسیح کو 5-4 سے اور چوتھے کوارٹر فائنل میں اسجد اقبال نے محمد نسیم اختر کو 5-2 سے شکست دے کر سیمی فائنل کے لئے کوالیفائی کر لیا ہے۔