مردان: پاک فضائیہ کا تربیتی طیارہ گر کر تباہ، پائلٹ محفوظ رہا
لاہور (نیٹ نیوز) خیبرپختونخوا کے شہر مردان میں پاک فضائیہ کا تربیتی طیارہ دوران پرواز گر کر تباہ ہوگیا جبکہ پائلٹ باحفاظت نکلنے میں کامیاب رہا۔ پاک فضائیہ کے ترجمان کے مطابق مردان کے علاقے تخت باہی میں پاک فضائیہ کا تربیتی طیارہ حادثے کا شکار ہوا۔ انہوں نے بتایا کہ تربیتی طیارہ معمول کے مطابق محو پرواز تھا۔ علاوہ ازیں انہوں نے بتایا کہ پاک فضائیہ کے ہیڈ کواٹر نے حادثے کی وجہ جاننے کے لیے انکوائری بورڈ تشکیل دے دیا۔
