لاہور(سپورٹس رپورٹر+نمائندہ سپورٹس)کبڈی ورلڈکپ 2020ء کے چوتھے روز کے مقابلے اقبال سٹیڈیم فیصل آباد میں ہوئے، ٹیموں کا اقبال سٹیڈیم آمد پر مشیر وزیراعلیٰ پنجاب برائے کھیل عمرفاروق ، سیکرٹری سپورٹس، یوتھ افیئرز، آرکیالوجی و ٹورازم پنجاب احسان بھٹہ اور ڈائریکٹر جنرل سپورٹس پنجاب عدنان ارشد اولکھ اورڈپٹی کمشنر فیصل آباد محمد علی نے پرتپاک استقبال کیا گیا، اس موقع پر گھڑ رقص کا شاندار مظاہرہ کیا گیا، کھلاڑیوں کو ہار پہنائے گئے اور پھولوں کی پتیاں نچھاور کی گئیں،ڈھول کی تھاپ پر شائقین نے بھنگڑے ڈالے۔ سٹیڈیم شائقین سے بھرا ہوا تھا ‘ کھلاڑیوں کو داد دی۔ پاکستان زندہ باد کے نعرے لگائے۔