چکوال (نوائے وقت رپورٹ) بائیں بازو کے معروف دانشور ڈاکٹر لال خان طویل علالت کے بعد وفات پا گئے۔ ڈاکٹر لال خان کی نماز جنازہ چکوال کے قصبے بھون میں آج ادا کی جائے گی۔ چیئرمین پی پی بلاول بھٹو زرداری نے لال خان کے انتقال پر افسوس کا اظہار اور اہلخانہ سے تعزیت کرتے ہوئے کہا کہ ڈاکٹر لال خان کا انتقال بائیں بازو کی فکر کیلئے ناقابل تلافی نقصان ہے۔ ڈاکٹر لال خان کا اصل نام تنویر گوندل تھا وہ کچھ عرصے سے کینسر کے مرض میں مبتلا تھے۔