لاہور(نمائندہ سپورٹس) ٹینس سٹار اعصام الحق ایک بار پھر شادی شدہ کلب کا حصہ بن گئے۔لاہور میں اعصام الحق کے دوسرے کا نکاح کی سادہ تقریب سجائی گئی۔ تقریب میں قریبی عزیز و اقارب نے شرکت کی۔ اعصام الحق کے والد احتشام الحق نے نکاح کی تصدیق کی اور بتایا کہ اعصام الحق کا نکاح لاہور کی ثنا فیاض کے ساتھ انجام پایاہے۔اعصام الحق کی پہلی شادی 2011ء میں پاکستانی نڑاد برطانوی فاہا مخدوم سے انجام پائی تھی تاہم کچھ عرصہ بعد اعصام اور فاہا میں علیحدگی ہوگئی تھی۔ٹینس اسٹار اعصام الحق کا نکاح چند روز قبل لاہور میں ہوا جس میں قریبی عزیز و اقارب شریک ہوئے۔ اعصام الحق کے والد احتشام الحق قریشی نے نکاح کی تصدیق کرتے ہوئے کہا ہے کہ اعصام کا نکاح 19 فروری کو لاہور میں ہوا ہے۔اعصام الحق کی زوجہ ثناء فیاض لاہور کے ایک بزنس مین محمد فیاض کی صاحبزادی ہیں۔ اعصام الحق نکاح کی تقریب کے بعد فرانس چلے گئے ہیں جب کہ ان کی شادی کی تقریب آئندہ ماہ کے وسط میں ہوگی۔