لاہور (نامہ نگار) لاہور میں گزشتہ روز پتنگ بازی کا سلسلہ جاری رہا۔ پولیس روکنے میں ناکام رہی۔ خانہ پری کے طور پر چند پتنگ بازوں کو گرفتار کرکے حوالات میں بند کر دیا گیا۔ متعدد کو سازباز کر کے چھوڑ دیا۔ تفصیلات کے مطابق اتوار کی چھٹی کے روزپتنگ بازوں نے شہر کے مختلف علاقوں میں بے دھڑک پتنگ بازی کا سلسلہ جاری رہا۔ اعلیٰ افسران کے احکامات پر شہر کے مختلف علاقوں سے17پتنگ بازوں کو گرفتار کر کے ان کے خلاف کائٹ فلائنگ ایکٹ کے تحت مقدمات درج کر کے حوالات میں بند کر دیا گیا جبکہ پولیس نے متعدد سے مبینہ طور پر ساز باز کر کے ان کو چھوڑ دیا۔ شہریوں نے اعلیٰ حکام سے مطالبہ کیا ہے کہ پولیس کو پابند کیا جائے کہ اس قاتل کھیل کو فوری طور پر بند کیا جائے۔