ایک اور جرمن شہر میں شیشہ بار پر فائرنگ‘ کوئی ہلاک یا زخمی نہیں ہوا
برلن (آئی این پی ) ایک نامعلوم حملہ آور نے جنوب مغربی جرمن شہر اشٹٹ گارٹ میں ایک شیشہ بار پر فائرنگ کی۔ پولیس حکام کے مطابق اس واقعے میں کوئی شخص ہلاک یا زخمی نہیں ہوا تاہم شیشہ بار کی کھڑکیوں کو نقصان پہنچا۔ تفتیش کاروں کا خیال ہے کہ فائرنگ کے وقت اس عمارت میں کوئی شخص موجود نہیں تھا۔ یہ واقعہ ایک ایسے موقع پر پیش آیا ہے، جب فقط چند روز قبل ہانا شہر میں ایک شخص نے دو شیشہ بارز میں فائرنگ کر کے نو افراد کو ہلاک کر دیا تھا۔
