فیروزوالہ ، بچیانہ ،اوکاڑہ‘ ڈسکہ ‘شورکوٹ،پیر محل (نامہ نگاران+ نمائندہ نوائے وقت + نمائندہ خصوصی) لاہور روڈ کی آبادی مدینہ کالونی میں اوباش نے ہمسائے کی بیوی، بچیانہ11 سالہ بچے، اوکاڑہ میں محنت کش کی 16 سالہ بیٹی، ڈسکہ 6 سالہ بچے، شورکوٹ 10 سالہ بچی، پیر محل میں بھی ایک لڑکی سے زیادتی کی گئی۔ فیروزوالہ سے نامہ نگار کے مطابق لاہور روڈ کی آبادی مدینہ کالونی میں اوباش نوجوان شہباز نے ہمسائے کی بیوی کو زیادتی کا نشانہ بنادیا۔مقدمہ درج کرلیا گیا۔ بچیانہ سے نما ئندہ نوائے وقت کے مطابق گائوںچاہ سنار لنڈیانوالہ میں کھیتوں میں چارہ لینے گئے گیارہ سالہ بچے سے اوباش شاہنواز ولدمحمد اسلم نے زیادتی کی۔ اوکاڑہ سے نامہ نگار کے مطابق منچریاں کے محنت کش کی 16 سالہ بیٹی کو راؤ اخلاق بلیک میل کر کے متعدد بار زیادتی کا نشانہ بناتا رہا۔ ڈسکہ سے نامہ نگار/ نمائندہ خصوصی کے مطابق نواحی گاؤں منڈیکی گورائیہ میں ملزم بدر عرف کوڈو نے چھ سالہ بچے سے زبردستی زیادتی کر ڈالی۔ شورکوٹ سے نامہ نگار کے مطابق نواحی علاقہ حویلی بہادر شاہ میں دس سالہ لڑکی کو نجیب اﷲ نامی شخص نے زیادتی کا نشانہ بنا یا۔ پیر محل سے نامہ نگار کے مطابق بھسی روڈ گاؤں 721 گ ب کی 17 سالہ لڑکی کو اوباش یاسر نے بیٹھک میں لے جا کر درندگی کا نشانہ بنا ڈالا۔