لاہور( سپورٹس رپورٹر+نمائندہ سپورٹس) قومی خواتین کرکٹ ٹیم آج عالمی کپ میں انگلینڈ سے نبردآزما ہوگی۔ میچ پاکستانی وقت کے مطابق آج دوپہر ایک بجے کینبرا میں کھیلا جائیگا۔اس سے قبل پاکستان نے ویسٹ انڈیز کو8 وکٹوں سے شکست دیکر آئی سی سی ویمنز ٹی ٹونٹی ورلڈ کپ کا فاتحانہ آغاز کیا تھا۔ جویریہ خان کاکہنا ہے کہ ویسٹ انڈیز کیخلاف میچ میں کامیابی کے باعث پاکستان ویمنز ٹیم کے حوصلے بلند ہیں اور تمام کھلاڑی انگلینڈ کیخلاف میچ میں شاندار کارکردگی دکھانے کیلئے پرعزم ہیں۔ وہ انگلینڈکے خلاف میچ میں پاکستان کو فتح دلاکر تاریخ رقم کرنے کی کوشش کریں گی۔قومی ٹیم آج میچ کے بعدسڈنی روانہ ہوجائے گی ۔