لاہور (نمائندہ سپورٹس )اسلام آباد یونائیٹڈ کے سٹار بائولر ڈیل سٹین پاکستان پہنچ گئے۔اسلام آباد یونائیٹڈ کی انتظامیہ نے جنوبی افریقہ کے سٹار بائولر ڈیل سٹین کا اسلام آباد ایئرپورٹ پر استقبال کیا۔ اپنی تیز رفتار گیندوں سے بلے بازوں کو تگنی کا ناچ نچوانے کے حوالے سے مشہور ڈیل سٹین پہلی بار پاکستان سپرلیگ کا حصہ بنے ہیں۔اسلام آباد یونائیٹڈ کے اعلی حکام نے ڈیل سٹین کی پاکستان آمد پر خوشی کا اظہار کرتے ہوئے امید کا اظہارکیاہے، ان کے آنے سے اسلام آباد یونائیٹڈ کا کمبی نیشن مزید مضبوط ہوجائے گا اور مخالف بلے بازوں کو مشکل وقت دینے میں زیادہ مدد ملے گی۔ڈیل سٹین سے پہلے اسلام آباد یونائیٹڈ کو لیوک رونکی،ڈیوڈ میلان، کولن انگرام، فلپ سالٹ اور کولن منرو کی خدمات میسر ہیں۔انہوں نے گزشتہ روز ٹیم کو جوائن کرکے پریکٹس شروع کر دی ہے ۔