لاہور (نمائندہ سپورٹس): قومی ٹیم کے ہیڈ کوچ اور چیف سلیکٹر مصباح الحق نے کہا ہے کہ ٹی ٹونٹی ٹیم کے انتخاب میں پی ایس ایل بہت اہم کردار ادا کررہی ہے۔ان کا کہنا ہے کہ اس سال پی ایس ایل کی اہمیت اس لیے بھی زیادہ ہے کہ آنے والے چند مہینوں میں پاکستانی ٹیم کو ایشیا کپ اور ٹی ٹونٹی ورلڈ کپ جیسے اہم مقابلوں میں حصہ لینا ہے۔اس لئے بہت ضروری ہے کہ ہم صحیح کھلاڑیوں کا ایک ایسا گروپ نکالیں جس سے ورلڈ کپ اورایشیا کپ کیلئے اچھی ٹیم تیار ہوسکے۔ ابھی بھی پاکستانی ٹیم میں چند ایسی پوزیشن ہیں جن پر سلیکشن کیلئے سخت مقابلہ ہوگا۔