کراچی (سٹاف رپورٹر ) وزیر تعلیم و محنت سندھ سعید غنی نے کہا ہے کہ کھلی کچہریوں کے انعقاد کا مقصد کابینہ کے ارکان کو صوبے بھر کے عوام کو درپیش مسائل کے حل کو یقینی بنانا ہے. جو سرکاری افسران آج کی کھلی کچہری میں موجود نہیں ان تمام کو شوکاز نوٹس جاری کرنے کیلئے چیف سیکرٹری کو کہہ دیا ہے اور ان افسران کے خلاف سخت کارروائی عمل میں لائی جائیگی۔ ان خیالات کا اظہار انہوں نے خیرپور میں منعقدہ کھلی کچہری میں خطاب کے دوران کیا۔