فیصل آباد: 60 سے زائد وارداتیں، شہری لاکھوں روپے نقدی، سامان سے محروم
فیصل آباد (آن لائن) شہر اور گردونواح میںڈکیتی‘چوری وراہزنی کی 60سے زائد وارداتوں میں لاکھوں کا نقصان‘چوروں نے بھی درجنوں گاڑیاں‘مویشی ودیگر قیمتی اشیاء چرا لیں۔چوری، ڈکیتی اور راہزنی کی پے در پے وارداتیں، کئی علاقوں سے موٹرسائیکلیں بھی اٹھا لی گئیں ۔ تھانہ منصور آباد کے علاقے منصور آباد گلی نمبر17میں امداد کے گھر سے ڈاکو 50 ہزار کی نقدی و موبائل فون چھین کر لے گئے‘ ڈائیو روڈ سے علی‘ نشاط آباد کے علاقہ رندھاوا چوک میں محمد نواز‘ 6ج ب میں ظفر‘ 48ج ب سے امجد کی موٹر سائیکلیں اسلحہ کے زور پر چھین لی گئیں۔دیگر درجنوں وارداتوں میں بھی شہری لاکھوں مالیت کے سامان سے محروم کر دیئے گئے۔
