اذلان شاہ کپ ہاکی ٹورنامنٹ کھلاڑی شارٹ لسٹ آج ہونگے
لاہور(سپورٹس رپورٹر) اذلان شاہ کپ ہاکی ٹورنامنٹ کی تیاری کیلئے پاکستان ہاکی ٹیم کے ممکنہ کھلاڑیوں کے تربیتی کیمپ کا دوسرا مرحلہ پانچ مارچ سے لاہور میں شروع ہوگا۔ پہلے مرحلے کیلئے 42 کھلاڑیوں کو طلب کیا گیا تھا ، دوسرے مرحلے کیلئے کھلاڑیوں کو شارٹ لسٹ کر کے آج اعلان کیا جائیگا۔ قومی سلیکشن کمیٹی کھلاڑیوں کی فارم اور فٹنس کا جائزہ لے رہی تھی‘ آج پاکستان ہاکی فیڈریشن کے اعلٰی حکام کی منظوری کے بعد کھلاڑیوں کے ناموں کا اعلان کیا جائے گا۔ کھلاڑیوں کو ہدایت کی جائے گی کہ وہ کیمپ کمانڈنٹ خواجہ جنید کو 5 مارچ کو رپورٹ کریں۔
