لاہور(سپورٹس رپورٹر )کرونا وائرس کے باعث دبئی میں ہونے والا ایشین کرکٹ کونسل کا اجلاس ملتوی کر دیا گیا ہے۔ کرونا وائرس کی وجہ سے اراکین کا دبئی آنے سے گریز پر دبئی میں ایشین کرکٹ کونسل کا اجلاس ملتوی کر دیا گیا ہے، وسیم خان نے دورہ ملتوی کردیا جبکہ پی سی بی چیئرمین احسان مانی دبئی پہنچ گئے ہیں۔ذرائع کے مطابق ایشیا کپ کے مستقبل کا اعلان اس ماہ کے آخر میں ہوگا۔ ایشیا کپ کے میزبان ملک کا اعلان منگل کو اے سی سی بورڈ میٹنگ میں ہونا تھا۔ اب اجلاس مارچ کے آخری ہفتے میں متوقع ہے۔دبئی میں ایشیائی ممالک کے کرکٹ بورڈز کی میٹنگ منگل کوطے تھی، جس میں شرکت کیلئے پی سی بی چیئرمین احسان مانی دبئی پہنچ چکے تھے۔ اجلاس میں ایشیاکپ کی میزبانی سمیت اہم ایشوز پر مشاورت ہونی تھی۔بنگلہ دیش بورڈ کے صدر نظم الحسن جو اے سی سی کے بھی صدر ہیں، ان کی تجویز پر اجلاس موخر کیا گیاہے۔ مارچ کے آخر میں آئی سی سی کی میٹنگ شیڈول ہے، اس لیے یہ فیصلہ کیا گیا ہے کہ اے سی سی کا اجلاس بھی ان ہی دنوں رکھ لیا جائے۔