لاہور( سپورٹس رپورٹر)رواں ہفتے ملک میں داخل ہونے والے بارشوں کے نظام کے باعث پاکستان سپر لیگ 2020 میں رواں ہفتے شیڈول میچز بارش اور خراب موسم سے متاثر ہونے کا امکان ہے۔ محکمہ موسمیات پاکستان نے اعلان کیا ہے کہ رواں ہفتے بدھ سے ہفتہ تک راولپنڈی اور لاہور میں موسمی نظام بارش کا سبب بنے گا۔ پی ایس ایل 2020ء نے اس عرصے کے دوران پانچ میچوں شیڈول ہیں اور پی سی بی کو ایک بار پھر ان میچز کے انعقاد میں دشواریوں کا سامنا کرنا پڑ سکتا ہے۔