تیونس سٹی(شنہوا+انٹرنیشنل ڈیسک)تیونس کے دارالحکومت میں واقع امریکی سفارتخانے کے قریب ایک خودکش حملے کے نتیجے میں پانچ پولیس اہلکار زخمی ہو گئے ہیں۔ تیونس کے امریکی سفارت خانے میں موٹر سائیکل سوار شخص نے داخل ہونے میں ناکامی پر خود کو پولیس چیک پوسٹ پر زوردار دھماکے سے اْڑالیا۔ امریکی سفارتخانے سے اس حملے کی تصدیق کرتے ہوئے عوام پر زور دیا ہے کہ وہ جائے وقوعہ سے دور رہیں۔ گزشتہ برس تونس سٹی میں واقع فرانس کے سفارتخانے کے قریب بھی حملہ کیا گیا تھا، جس کی ذمہ داری شدت پسند تنظیم ’اسلامک اسٹیٹ‘ نے قبول کر لی تھی۔عالمی خبر رساں ادارے کے مطابق تیونس میں امریکی سفارت خانے کے نزدیک زوردار دھماکا ہوا ہے، دھماکا اتنا شدید تھا کہ آس پاس عمارتوں کے شیشے ٹوٹ گئے جب کہ گاڑیوں کو بھی شدید نقصان پہنچا ہے۔