یونیورسٹی آف ایجوکیشن میں ٹیبل ٹینس چیمپئن شپ اختتام پذیر
لاہور(پ ر ) پنجاب ہائر ایجوکیشن ڈیپارٹمنٹ کے زیر اہتمام یونیورسٹی آف ایجوکیشن میں منعقدہ یونیورسٹی سپورٹس لیگ ٹیبل ٹینس چیمپئن شپ اختتام پذیر ہو گئی، جس میں پنجاب بھر کی مختلف جامعات کی ٹیموں نے شرکت کی۔ چیمپئن شپ کے حتمی نتائج کے مطابق مردوں کی کیٹیگری میں یونیورسٹی آف سنٹرل پنجاب نے پہلی، پنجاب یونیورسٹی نے دوسری جبکہ یونیورسٹی آف ویٹرنری اینیمل سائنسز نے تیسری پوزیشن حاصل کی۔ خواتین کی کیٹیگری میں پنجاب یونیورسٹی نے پہلی پوزیشن، یونیورسٹی آف لاہور نے دوسری جبکہ یونیورسٹی آف سنٹرل پنجاب نے تیسری پوزیشن اپنے نام کی۔اختتامی تقریب کی مہمان خصوصی رکن صوبائی اسمبلی مسز طلعت فاطمہ نقوی تھیں، جنہوں نے جیتنے والی ٹیموں میں اعزازات تقسیم کئے۔
