لاہور(سپورٹس رپورٹر+نمائندہ سپورٹس) پاکستان سپر لیگ میں آج بدھ کے روز 25 واں میچ ملتان سلطانز اور کوئٹہ گلیڈی ایٹر کی ٹیموں کے درمیان کھیلا جائیگا۔ ملتان سلطانز ٹیم نے پہلے ہی ٹورنامنٹ میں 11 پوائنٹس کیساتھ پلے آف مرحلے کیلئے کوالیفائی کر رکھا ہے جبکہ دفاعی چیمپیئن کوئٹہ گلیڈی ایٹر ٹیم ٹورنامنٹ میں مشکلات سے دوچار ہے۔ پاکستان کے معیاری وقت کے مطابق میچ شام سات بجے شروع ہوگا۔ اگلے تین روز تک لاہور میں کوئی میچ نہیں ہوگا اور پی ایس ایل کے میچز 12، 13 اور 14 مارچ کو کراچی میں کھیلے جائیں گے۔