ٹوکیو(انٹرنیشنل ڈیسک) کروناوائرس کے پھیلاؤ کے خدشے کے سبب امریکی صدر کی ٹوکیو اولمپکس ایک سال کیلئے ملتوی کرنے کی تجویز کو جاپان نے سختی سے رد کر دیا ہے۔ جمعے کو جاپان کے اولمپک کھیلوں کے وزیر سیکو ہاشیموٹو نے پریس کانفرنس میں کہا کہ اولمپک کھیلوں کی منسوخی یا التوا کا کوئی سوال ہی پیدا نہیں ہوتا، او آئی سی اور آرگنائزنگ کمیٹی اس بارے میں غور تک نہیں کر رہی ہے اور منسوخی یا التوا ہرگز نہیں ہوگا، انٹرنیشنل اولمپک کمیٹی اور ٹوکیو اولمپک گیمز کے منتظمین آپس میں مذاکرات جاری رکھے ہوئے ہیں اورحتمی طور پر اولمپک کھیل شیڈول کے مطابق 24 جولائی سے ہی منعقد ہونگے۔