لاہور(نمائندہ سپورٹس) غیر ملکی کھلاڑیوں کے پاکستان سے روانگی کے بعد کرکٹر اسد شفیق اور عمیر بن یوسف پاکستان سپر لیگ 2020 کا حصہ بن گئے۔ملتان سلطانز کے ابتدائی سکواڈ میں شامل 2 غیر ملکی کرکٹرز جیمز ونس اور رائیلی روسو کی لیگ سے دستبردار ہونے کے بعد ایونٹ کے آئندہ میچوں کیلئے ملتان سلطانز نے اسد شفیق کو سکواڈ میں شامل کرلیا ہے۔ اسد شفیق پی ایس ایل فائیو کی سلور کٹیگری میں شامل ہیں۔کوئٹہ گلیڈی ایٹرز نے نوجوان کرکٹر عمیر بن یوسف کو سکواڈ میں شامل کرلیا ہے۔ عمیر بن یوسف کا انتخاب ایمرجنگ کٹیگری میں کیا گیا ہے۔ کوئٹہ گلیڈی ایٹرز کے سکواڈ میں شامل جیسن رائے اور ٹائمل ملز ایونٹ سے دستبردار ہوئے تھے۔ کیمو پاؤل بھی نیشنل ڈیوٹی کے باعث وطن واپس لوٹ چکے ہیں۔