سرگودھا: نوعمر لڑکی کی شادی، نکاح خواں، دولہا‘ دلہن کے والد سمیت 5 گرفتار
سرگودھا(نامہ نگار) تھانہ اربن ایریا پولیس کی بروقت کارروائی، کمسن بچی کی زبردستی شادی کرانے والے ملزمان گرفتار۔ تفصیلات کے مطابق گذشتہ روز تھانہ اربن ایریا پولیس کو اطلاع موصول ہوئی، میاں حیات کالونی میں 13/14سالہ بچی کی رضا مندی کے خلاف شادی کی جا رہی ہے جس پر ایس ایچ او ذیشان اقبال نے سب انسپکٹر محمد اشرف پر مشتمل ٹیم کے ہمراہ فوری کارروائی کرتے ہوئے کالونی ریڈ کرکے نکاح خواں حافظ ظفر اقبال ‘دولہا محمد اسحاق ولد رفیق سکنہ شیرازی ٹاؤن، دلہن کے والد ارشد جاوید ولد عبدالغفار سکنہ ملت پارک ، نکاح کے دونوں گواہان محمد شہزاد ولد عبدالغفار سکنہ گلوالہ سرگودھا اور عبدالقادر ولد گلزار احمد سکنہ چک15شمالی تحصیل بھلوال کو گرفتارکرلیا ہے۔ گرفتارملزمان کے خلاف مقدمہ درج کرکے حسب ضابطہ کارروائی شروع کر دی گئی ہے۔
