سروس ٹائرز جونیئرنیشنل ٹینس چیمپئن شپ کے فائنل مقابلے آج ہونگے
لاہور(سپورٹس رپورٹر) پنجاب لان ٹینس ایسوسی ایشن کے زیر اہتمام جاری سروس ٹائرز جونیئر نیشنل ٹینس چیمپیئن شپ کی مختلف کیٹگریز کے فائنل میچز آج کھیلے جائیں گے۔ پیر کو مینز سنگلز ، گرلز انڈر 16 ، بوائز / گرلز انڈر 12 ، بوائز / گرلز انڈر 10 ، بوائز یو 18 ڈبلز اور بوائز / گرلز یو 12 ڈبلز میں 10 میچ کھیلے گئے۔ مینز سنگلز سیمی فائنلز میں میاں بلال نے عمران بھٹی کو فیضان فیاض نے حسن ریاض کو ہرا کر فائنل میں جگہ بنائی۔
