کرونا: پی اے سی سمیت سینٹ‘ قومی اسمبلی کی قائمہ کمیٹیوں کے شیڈول اجلاس ملتوی
اسلام آباد(وقائع نگار خصوصی) کورونا وائرس کو پھیلنے سے روکنے کے اقدامات کے تحت پارلیمنٹ کی پبلک اکائونٹس کمیٹی سمیت سینیٹ اور قومی اسمبلی کی تمام قائمہ کمیٹیوں اور خصوصی کمیٹیوں کے شیڈول اجلاس ملتوی کر دیئے گئے۔ چیئرمین سینیٹ صادق سنجرانی اور سپیکر قومی اسمبلی اسد قیصر نے متفقہ طور پر تمام اجلاس ملتوی کرنے کی منظوری دی۔ پارلیمنٹ ہائوس کی حفظ ماتقدم کے طور پر فومیگیشن کی گئی۔ اس صورتحال کے پیش نظر سرکاری افسران، صحافیوں سمیت ارکان پارلیمنٹ کی عدم موجودگی کی بناء پارلیمنٹ ہائوس کی راہداریاں سنسانی کا منظر پیش کررہی ہیں۔
