ریاض (نمائندہ خصوصی ) سعودی فرمانروا شاہ سلمان بن عبدالعزیز نے قوم سے خطاب کرتے ہوئے کہا ہے کہ کرونا کے خلاف جنگ میں سعودی عرب تمام اقدامات کر رہا ہے ۔خادم حرمین شریفین شاہ سلمان بن عبدالعزیز نے اطمینان دلایا کہ سعودی عرب نئے کرونا وائرس سے نمٹنے کے لیے تمام احتیاطی تدابیر پر عمل کرتا رہے گا۔انہوں نے سعودی عوام اور ملک میں مقیم غیر ملکیوں سے ٹی وی خطاب میں کہا کہ میں یہ بات کھل کر بتا رہا ہوں کہ ہم بھی پوری دنیا کی طرح مشکل دور سے گزر رہے ہیں۔ میں آپ لوگوں سے یہ بھی کہنا چاہتا ہوں کہ آنے والا مرحلہ کرونا وائرس کے تیزی سے پھیلاؤ کو روکنے کیلئے پوری دنیا میں اور زیادہ مشکل ہوگا۔ شاہ سلمان نے اس بات پر خوشی کا اظہار کیاکہ’ عوام نے کرونا بحران سے نمٹنے کے سلسلے میں ثابت قدمی اور پامردی کا مظاہرہ کیا خادم حرمین شریفین شاہ سلمان بن عبدالعزیز نے قوم کے نام اپنے خطاب میں مزید کہا ’سعودی عرب کے سرکاری ادارے مقامی شہریوں اور مقیم غیر ملکیوں کی صحت و سلامتی کے لیے جملہ وسائل بروئے کار لاتے رہیںگے‘۔شاہ سلمان نے کہا کہ ’سعودی عرب اور پوری دنیا نئے کورونا وائرس کے پھیلاؤ سے نمٹنے کے سلسلے میں مشکل حالات سے گزر رہے ہیں۔