تہران (این این آئی)ایران کے وسطی صوبے لورستان میں ایک سیکیورٹی اہلکار نے بتایا ہے کہ کرونا وائرس کے پھیلاؤ کی خبر پھیلنے کے بعد مرکزی شہر خرم آباد کی بارسیلون جیل سے 23 قیدی فرار ہوگئے ۔غیرملکی خبررساں ادارے کے مطابق صوبہ لورستان کے سیاسی اور سلامتی کے معاون محمود ثمینی نے کہا کہ قیدیوں نے جیل کے عملے کی لاپر واہی سے فائدہ اٹھایا اور فرار ہوگئے۔ بھاگنے والے قیدیوں کی تلاش جاری ہے۔ثمینی کا کہنا تھا کہ جیل کے محافظوں نے ایک قیدی کو گولی مار کر ہلاک کر دیا جب کہ ایک قیدی گولی لگنے سے زخمی ہوا ہے۔ اسے شدید زخمی حالت میں ہسپتال منتقل کیا گیا۔ ضلع لورستان کی انتظامیہ کی انتظامیہ نے فرار ہونے والے ایک قیدی کی گرفتاری کا دعویٰ کیا ہے۔