دادو: پولیس نے غیر قانونی جرگہ کرنے والے 6 افراد کو گرفتار کرلیا
دادو (آئی این پی ) سندھ کے ضلع دادو میں پولیس نے غیر قانونی جرگہ کرنے والے 6 افراد کو گرفتار کرلیا۔ تفصیلات کے مطابق تحصیل میہڑ کے نواحی گاں جمعہ ناریجو میں پسند کی دوسری شادی کرنے پر بااثر افراد نے جرگے کا انعقاد کیا۔دوسری شادی کرنے والے سعید کو سزا کے طور پر اپنی دو بچیاں دوسری بیوی کے والد کو دینے کی سزا دی۔ بچیاں نہ دینے کی صورت میں 10 لاکھ روپے جرمانہ ادا کرنے کا بھی حکم دیا۔پولیس نے معاملے کی تحقیقات کے بعد مقدمہ درج کرکے 6 ملزمان کو گرفتار کرلیا ہے۔
