اسلام آباد(صباح نیوز)علامہ اقبال او پن یونیورسٹی نے' کورونا پھیلائو کی روک تھام' کے حوالے سے طلبہ کو گھروں تک محدود رکھنے کے لئے داخلوں ٗ امتحانات ٗ ورکشاپس اور دیگر تدریسی سرگرمیوں کی آن لائن معلومات کی سہولت فراہم کردی ہے۔وائس چانسلر پروفیسر ڈاکٹر ضیاء القیوم کی ہدایات کی روشنی میں یونیورسٹی ہیلپ لائن کو متحرک کردیا گیا اور ویب سائٹ پر بھی تمام معلومات دستیاب کردی گئیں ہیں۔ طلبہ ہر قسم کی معلومات کے لئے یونیورسٹی کی ہیلپ لائن 051-111-112-468پر رابطہ کرسکتے ہیں۔ کورونا وائر سے بچائو اور ا حتیاطی تدابیر کے حوالے سے طلبہ کو 5۔اپریل تک یونیورسٹی کے مین کیمپس یا علاقائی دفاتر آنے سے منع کیا گیا۔سمسٹر بہار 2020ء کے داخلے 15اپریل تک جاری ہیں ٗ طلبہ کو آن لائن اپلائی کرنے کی سہولت فراہم کردی گئی ٗ داخلے کے خواہشمند افراد پوسٹ آفسسز کے ذریعہ بھی داخلہ فارمز ارسال کرسکتے ہیں ۔آن لائن اپلائی کرنے یا فارم بذریعہ پوسٹ آفس ارسال کرنے کا طریقہ کار پراسپکٹس میں موجود ہے۔تمام تعلیمی پروگرامز کے داخلہ فارم اور پراسپکٹس یونیورسٹی کی ویب سائٹ پر دستیاب ہیں۔