پھلروان میں دیرینہ دشمنی پر فائرنگ‘ چچا بھتیجا قتل
پھلروان+سرگودھا (نامہ نگاران) پھلروان نواحی سالم میں دیرینہ دشمنی پر چچا بھتیجا کو قتل کر دیا گیا۔ وا قعات کے مطابق نواحی سالم کے علاقے ٹھٹھہ وینس کے ڈیر ے پر عرفان وغیرہ نے فائرنگ کر کے چچا بھتیجے محمد اشرف وینس اور صفدر کو فائرنگ کر کے قتل کر دیا بتایا گیا ہے کہ دونوں پارٹیوں میں دیرینہ دشمنی چلی آرہی تھی اور عرفان پہلے مقدمہ میں اشتہاری بتایا جاتا ہے۔ پھلروان پولیس نے پوسٹ مارٹم کے بعد نعشیں ورثاء کے حو الے کر دیں اور مقدمہ درج کر کے کارروائی کر دی ہے۔
