لاہور(سپورٹس ڈیسک) ترکش فٹ بال کے سابق معروف کھلاڑی فاتح تریم جو اس وقت استبول کلب گلاٹسارے کے منیجر ہیں ، کا نوول کرونا وائرس کے لئے ٹیسٹ مثبت آیا ہے۔تریم نے ٹوئٹر پر کہا کہ ٹیسٹ کرونا وائرس کے حوالے سے مثبت آیا ہے ، میں ہسپتال میں محفوظ ہاتھوں میں ہوں ، پریشانی کی ضرورت نہیں ، امید ہے میں جلد سے جلد دوبارہ آپ کیساتھ رابطے میں ہوں گا۔’’شہنشاہ‘‘ کے نام سے مشہور 66سالہ تریم ترکی کے سابق قومی فٹبال سربراہ ہیں جنہوں نے (1996-2000,2000-2004ء اور 2011-2013ء ) تین مختلف مواقع پر گلاٹسارے کی کوچنگ کی۔انہوں نے دسمبر2017ء میں چوتھی مدت کے لئے فرائض سنبھالے تھے