اسلام آباد (این این آئی)وزیراعظم کے مشیر برائے صنعت و تجارت عبد الرزاق داؤد نے کہا ہے کہ کورونا وائرس کے باعث کاروباری افراد کو درپیش مسائل سے آگاہ ہیں اور ہم کیش فلو کے باعث کسی صورت کارو بار بند نہیں ہونے دیں گے۔ مشیر تجارت عبدالر زاق داؤد نے ایک ویڈیو بیان میں کہا کہ حکومت کی طرف سے کاروباری افراد کی لیکویڈیٹی کا خیال رکھا جائے گا، یقین دلاتے ہیں حکومت کیش فلو کا مسئلہ نہیں آنے دے گی۔انہوں نے کہا کہ ہم کیش فلو کے باعث کسی صورت کارو بار بند نہیں ہونے دیں گے، سرمایہ کاروں اور کاروباری افراد کی حکومت مکمل مدد کرے گی۔مشیر تجارت نے کہا کہ کورونا وائرس کے باعث درپیش مسائل حل ہو جائیں گے،کیش فلو ،بینک اور بجلی سمیت دیگر مسائل حل کیے جائیں گے۔انہوں نے کہا کہ ہمارا پروگرام صرف برآمدکندگان تک محدود نہیں، ہمارا پروگرام ایس ایم ایز، ریٹیلرز اور مزدوروں کے لیے بھی ہے۔