خانیوال ،رحیم یارخان، جام پور( نمائندگان،کرائم رپورٹر) خانیوال کے نواحی علاقہ خلیل آباد کے قریب اوور ہیڈ برج پر تیز رفتار کارچیچہ وطنی سے ملتان جاتے ہوئے ڈایوئنڈر سے ٹکرا گئی جس کے نتیجہ میں 3سالہ ابراہیم ،32سالہ شہباز موقع پر جاں بحق ہوگئے جبکہ 5زخمیوں بشریٰ،رئیس،مروا،صفہ اور اعظمکو ہسپتال منتقل کردیا گیا۔ادھررحیم یارخان سے کرائم رپورٹرکے مطابق ویگن الٹنے سے نارووال کارہائشی70سالہ محمد رشیددم توڑگیا جبکہ دیگر 8افراد بھی زخمی ہوگئے۔علاوہ ازیںجام پور سے نمائندہ خصوصی کے مطابق مین انڈس ہائی وے پر ایک نامعلوم شخص کی نعش برآمدہوئی ہے جسے تھانہ محمد پور دیوان پولیس نے مرکز صحت منتقل کردیااور میڈیا کو بتایا کہ بظاہر یہ روڈ ایکسیڈنٹ معلوم ہوتاہے۔