لاہور(نامہ نگار)پولیس لائنز قلعہ گجر سنگھ کی گذشتہ ہفتہ کی کارکردگی رپورٹ جاری کر دی گئی۔ امن و امان کے قیام اور عوام میں احساس تحفظ پیدا کرنے کے لیے عملی اقدامات کئے گئے۔ کورونا وائرس سے بچاؤ اور آگاہی بارے سیمینار کا انعقاد کیا گیاجس میں مئیو ہسپتال کے پروفیسر ڈاکٹر عارف رشید نے دوران ڈیوٹی حفاظتی اقدامات بارے لیکچر دیا۔انہوں نے پولیس افسران و جوانوں کوکورونا وائرس کے پھیلاؤ کے پیش نظر لاوارث میت کو منتقل کرنے اور دفنانے کے دوران حفاظتی انتظامات بارے آگاہی دی۔قرنطینہ سنٹرز سمیت دیگر اہم سیکیورٹی پوائنٹس پر روزانہ 74 سے زائد پلاٹون روانہ کی گئیں۔