لاہور(سپورٹس رپورٹر) قومی کرکٹ ٹیم کے سابق سپین باولر شتاق احمد نے ملتان سلطانز کو پی ایس ایل 5 کا چیمپئن قرار دینے کا مطالبہ کردیا۔سابق ٹیسٹ کرکٹر کا کہنا ہے کہ سال کے آخر میں باقی میچز کا انعقاد کرنے سے چھٹا ایڈیشن بھی کشش کھو بیٹھے گا۔ ،اس حوالے سے اپنے ایک انٹرویو میں سابق ٹیسٹ کرکٹر مشتاق احمد نے کہاکہ پی ایس ایل کو مکمل کرنا ضروری ہے۔ ان کا کہنا تھا کہ رواں سال کے آخر میں باقی مقابلے کرائے گئے تو چھٹے ایڈیشن میں کوئی کشش نہیں رہے گی، کھلاڑیوں کی مصروفیات کے سبب عدم دستیابی ہوئی تو فرنچائزز کو متوازن سکواڈ تشکیل دینے میں مشکلات کا سامنا کرنا پڑے گا،اس صورتحال میں مناسب یہی ہے کہ ایونٹ کو نتیجہ خیز بناتے ہوئے پوائنٹس ٹیبل پر سرفہرست ملتان سلطانز کو چیمپئن قرار دیا جائے اگر کوئی اور ٹیم لیگ مرحلے میں سرفہرست ہوتی تب بھی میرا یہی مشورہ ہے۔