شیخوپورہ، نواں کوٹ (نمائندہ خصوصی، نامہ نگار) فیصل آباد روڈ کی آبادیوں قصبہ نواں کوٹ، بھکھی سمیت دیگر علاقوں میں بجلی کی بار بار لوڈشیڈنگ سے شہری بلبلا اٹھے ہیں۔ ان کا کہنا ہے کہ کرونا وائرس کے بعد گھروں میں مقید لوگوں کو بجلی کی بار بار عدم فراہمی سے کھانے پینے سمیت دیگر امور کی انجام دہی میں پریشانی کا سامنا ہے۔ اس سلسلہ میں جب صارفین نے ایس ڈی او لیسکو بھکھی توصیف ارشد سے رابطہ کیا تو وہ صارفین مطمئن کرنے کی بجائے الٹا ان پر آگ بگولہ ہوگئے۔ صارفین ایس ڈی او کے ناروا سلوک پر شدید غم و غصہ کا اظہار کرتے ہوئے وزیراعظم عمران خان سے نوٹس لینے کا مطالبہ کیا ہے۔