سی سی پی او نے لاہور پولیس کے ترقی پانے والے 7 انسپکٹرز کو ڈی ایس پی کے بیجز لگائے
لاہور (نامہ نگار) سی سی پی او ذوالفقار حمید نے ترقی پانے والے لاہور پولیس کے 7 انسپکٹرز کو ڈی ایس پی کے بیجز لگا دیئے۔ تقریب میں ایس ایس پی ایڈمن کیپٹن (ر) لیاقت علی ملک اور ایس ایس پی ڈسپلن عبادت نثار بھی موجود تھے۔ محمد جاوید صدیق‘ میاں قدیر احمد‘ وحید اسحاق‘ سہیل کاظمی‘ ریحان جمال‘ اشفاق احمد اور خالد ملک کو ڈی ایس پی کے رینک لگائے۔ سی سی پی او نے ترقی پانے والے پولیس افسروں کو مبارکباد دیتے ہوئے کہا کہ ڈی ایس پی رینک پر ترقی محکمہ پولیس میں اہم سنگ میل سمجھا جاتا ہے۔ امید ہے سپروائزری رینک ملنے پر آپ مزید اچھی کارکردگی دکھائیں گے۔
