اسلام آباد (خبرنگار)وفاقی بیورو کریسی گریڈ 19میں ترقیوں کے احکامات جاری، پولیس، پاکستان ایڈمنسٹریٹو سروسز اور آفس مینجمنٹ گروپ کے افسروں کو ترقی دیدی گئی۔ ترقیوں کی سفارشات سنٹرل سلیکشن بورڈ نے دی تھیں۔منگل کواسٹیبلشمنٹ ڈویژن کی جانب سے جاری کردہ نوٹیفکیشنز کے مطابق موٹروے پولیس میں تعینات ایس پی سلیمان علی خان کے علاوہ ایس پیز غلام سرور باہیو، علی شیر جاکھرانی،محمد ندیم اور پنجاب میں ایس پی عمر سعید ملک، حسن مشتاق سکھیرا ،مستنصر فیروز ،محمد معصوم ،حسن اقبال، خیبرپی کے پولیس میں دلاور بنگش ،عبدالرشید، سجاد خان ،سہیل خالد ،عباس مجید مروت،جاوید اقبال، سندھ پولیس میں تعینات منظور علی کھاٹیان ،نذیر احمد میر بہار، شادابن مسیح ،عباس رضوی، عامر عباس شاہ، قمرعباس رضوی، عرفان علی بہادر ،عدیل حسین چانڈیو، امجد احمد شیخ اور ایف آئی اے میں تعینات ڈاکٹر زین علی وفاقی پولیس میں تعینات سردار غیاث گل کو گریڈ 19 میں ترقی دی گئی ہے۔دوسری جانب آفس مینجمنٹ گروپ کے اشتیاق احمد کو گریڈ 19 میں ترقی دیکر ڈپٹی سیکرٹری وزارت خزانہ، سلیم شہزادکو ڈپٹی سیکرٹری اقتصادی امور ڈویژن، محمد یوسف کو ڈپٹی سیکرٹری پاورٹی ایلی ویشن، سیمی اعظم کو ڈپٹی سیکرٹری اسٹیبلشمنٹ ڈویژن، مس بے نظیر کو ڈپٹی سیکرٹری انسانی حقوق، ضیا الرحمن کو ڈپٹی سیکرٹری قانون و انصاف ڈویژن، طاہر پرویز کو ڈپٹی سیکرٹری صنعت وپیداوار، مظہر جاوید کو گریڈ 19 میں ترقی دے کر ڈپٹی سیکرٹری فنانس ڈویژن، وزارت داخلہ میں ڈائریکٹر قیصر خان خٹک کو گریڈ انیس میں ترقی دے کر ڈپٹی سیکرٹری پلاننگ مقرر کر دیا گیا ہے۔ادھرپاکستان ایڈمنسٹریٹو سروس کے جن افسروں کو مستقل اور قائم مقام چارج پر گریڈ 19 میں ترقی دی گئی ہے ان میں پنجاب میں تعینات سارہ رشید ،عمران قریشی،نوشین ملک ،ذیشان جاوید ،کلثوم ثاقب، مس کوثر خان،عبدالستار ،رفاقت علی ،محمد علی، علی عنان قمر ،عرفان علی خان ،دانش افضل ،محمد طاہر ،منظر جاوید ،عثمان خالد شامل ہیں جبکہ خیبرپی کے میں تعینات عنبر علی خان، سہیل خان، عرفان اللہ خان ،سعادت حسن شامل ہیں ۔سندھ میں تعینات طلحہ حسین، شہزاد فضل، محمد زمان، بلوچستان میں تعینات شاہ زیب خان ، اسٹیبلشمنٹ ڈویژن میں تعینات مریم کیانی کی گریڈ 19 میں مستقل ترقی دی گئی ہے جبکہ پنجاب میں تعینات نعمان یوسف، سعدیہ تحریم، نادیہ ثاقب، فروا عامر، آمینہ منیر، سلمی سلیمان ،سمعیہ سلیم، حسن ہارون ہوتی کو گریڈ 19 میں قائم مقام چارج دیدیاگیا ہے.اسٹیبلشمنٹ ڈویژن میں تعینا ت لبنی سید، بلوچستان میں تعینات حبیب الرحمن جاموٹ، سندھ میں تعینات فواد سومرو کو گریڈ 19 میں قائم مقام چارج دیاگیاہے،اسٹیبلشمنٹ ڈویژن نے باضابطہ نوٹیفیکیشن جاری کر دیئے گئے ہیں۔