فیروزوالہ (نامہ نگار) ڈکیتی ، چوری اور نوسربازی کی متعدد وارداتوں میں لیڈی ڈکیٹ گینگ نے شہری کو تین لاکھ روپے کی رقم سے محروم کردیا، ڈاکووں نے چار گھروں کو لوٹ کر لاکھوں روپے مالیت کے زیورات اور دیگر سامان لوٹ کرفرار ہوگئے ، بتایاگیاہے کہ شاہدرہ کے قریب لیڈی ڈکیت گینگ نے رکشہ سوار محمدعمران کو تین لاکھ روپے کی رقم سے محروم کردیا۔ لیڈی ڈکیت گینگ نے مسافر عمران کو رکشہ سے اترنے کے بہانے اس کی جیب سے تین لاکھ روپے نکال کرفرار ہوگئی ، ڈاکووں نے محمد عامر کو روک کر اس سے تیس ہزار روپے کی نقدی رقم ، موبائل فون اور موٹرسائیکل چھین کرفرار ہوگئے ، چوروں نے امام مسجد قاری شبیراحمد اور منیر حسین کے موبائل فون اور نقدی چوری کرکے لے گئے ۔ ڈاکووں نے فہد، ظہیر ، اکبرعلی ،اور فاروق کو لوٹ لیا ڈاکوؤں ان سے لاکھوں روپے مالیت کا سامان لیکر فرار ہوگئے ۔چوروں نے محمد عاقب کو نقدی اور موبائل فون سے محروم کردیا۔