لاہور(سپورٹس رپورٹر) ایم ڈی لاہور ڈویژن کیٹل مارکیٹ مینجمنٹ کمپنی سرفراز ارشد نے شیخوپورہ ماڈل کیٹل مارکیٹ کا دورہ کیا۔ تفصیلات کے مطابق ایم لاہور ڈویڑن کیٹل مارکیٹ مینجمنٹ کمپنی سرفراز ارشد نے ماڈل کیٹل مارکیٹ شیخوپورہ کے دورہ کے موقع پر مویشی منڈی میں کورونا دے بچائو کیلئے کیے جانے والے اقدامات کا جائزہ لیا۔ ایم ڈی نے منڈی میں ٹرکوں پر جراثیم کش سپرے کرنے کیلئے مختلف ٹیمیں تشکیل دی۔ اس موقع پر صفائی ستھرائی اور سیکیورٹی صورتحال کا بھی جائزہ لیا گیا۔ تین فٹ کے فاصلے کو یقینی بنانے کے کیلئے آپریشنل عملے پر مشتمل ٹیمیں تشکیل دی۔ ’’بیوپاری ہاتھوں کو بار بار دھوئیں‘‘ اس کا اعلانات بار بار کیے جانے کے احکامات دیئے۔ پانی کی ٹینکیوں کا جائزہ لیا اور بیوپاری حضرات کو ہاتھ دھوتے رہنے کی تلقین بھی کی۔