قصور‘ ساہیوال (نمائندگان نوائے وقت) قصور اور نواح میں ایک شادی شدہ خاتون اور ایک بچے کو زیادتی کا نشانہ بنا دیا گیا جبکہ شور مچا کر دو بچوں 2 خواتین نے کوشش ناکام بنا دی۔ شریف پلازہ قصور میں چالیس سالہ خاتون کلینکل لیبارٹری میں ٹیسٹ کروانے آئی تو لیبارٹری ملازم عاشق کمرے میں لے گیا اور اسے زیادتی کا نشانہ بنا دیا۔ بھسر پورہ میں ملزم مسعود احمد 15 سالہ لڑکے کو مکان میں لے گیا اور زیادتی کا نشانہ بنا دیا۔ کوٹ مراد خاں میں پندرہ سالہ لڑکی سودا سلف لینے گئی تو سلیم نے اسے ورغلا کر زیادتی کی کوشش کی۔ شور پر ملزم فرار ہو گیا۔ بستی قائم شاہ مبشر اور محمد احمد نے گھر گھس کر شادی شدہ خاتون سے زیادتی کی کوشش کی شور پر فرار ہو گئے۔ جبکہ پھولنگر کے جھگیاں دھنا سنگھ مین اوباش اعظم چھ سالہ بچے کو ایک حویلی میں لے گیا۔ بچے نے شور مچا دیا جس سے اعظم فرار ہو گیا اور بستی قادر آباد میں اوباش ملزم سلیم پندرہ سالہ لڑکے کو ورغلا کر مکان میں لے گیا۔ زیادتی کی کوشش پر لڑکے نے شور مچا دیا جس پر ملزم سلیم فرار ہو گیا۔