فیروز والہ (نامہ نگار) ڈکیتی اور چوری کی آٹھ وارداتوں میں شہریوں نے مزاحمت پر ڈاکو کو زخمی کر دیا جبکہ ڈاکوں نے فائرنگ کرکے موٹرسائیکل سوار نوجوان کوزخمی کرڈالا، ڈاکو لاکھوں روپے مالیت کے زیورات نقدی لوٹ کر فرار ہو گئے ۔لاہور روڈ کی آبادی چونگی سٹاپ کے قریب ڈاکوئوں نے ناکہ لگا کر کار سوار طارق محمود اور اس کی فیملی کو روک کر لوٹ لیا۔اسی جگہ پر ڈاکوئوں نے ایک مشروبات فیکٹری کی وین کولوٹنے کیلئے روکنے کی کوشش کی گاڑی نہ رکنے پر ڈاکوئوں نے فائرنگ کر دی جس سے ڈرائیور گاڑی سمیت فرار ہو گیا ۔مرید کے میں ڈاکوئوں نے بینک سے رقم لے کر آنے والے شہری شاہ زیب کو روک کر لوٹ لیا اس سے ایک لاکھ روپے کی رقم چھین کر لے گئے ،ونڈالہ نہر کے کنارے ڈاکووں نے موٹرسائیکل سوار کوروک کر لوٹ لیا ، مزاحمت پر ڈاکو نے گولی مار کر موٹر سائیکل سوار فضل وحید کو زخمی کرڈالا ۔موٹرسائیکل ، موبائل اور پنتالیس ہزار روپے کی رقم چھین کر فرار ہوگئے ، جی ٹی روڈ کی آبادی لطیف پارک میں شہریوں نے ڈکیتی کی واردات کے دوران مزاحمت پر شہریوں نے فائرنگ کر دی جس کے نتیجہ میں ایک ڈاکو شبیر نامی شدید زخمی ہو گیا جسے طبی امداد کیلئے ہسپتال داخل کروا دیا گیا ۔ ڈاکوئوں نے موبائل شاپ اور کریانہ سٹور کی دوکان کے تالے توڑ پر دس لاکھ روپے مالیت کا سامان چوری کر کے فرار ہو گئے پولیس نے اس ضمن میں چوروں کے خلاف مقدمہ درج کر لیا ۔