وزیراعظم کے دورہ کراچی کا شیڈول تبدیل، آج اہم اجلاس کی صدارت‘ رواں ہفتے شہر قائد جائیں گے
اسلام آباد (نوائے وقت رپورٹ+وقائع نگار خصوصی) وزیر اعظم عمران خان کے دورہ کراچی کا شیڈول تبدیل ہو گیا۔ ذرائع کے مطابق اعلیٰ سطح کے اجلاس کے باعث شیڈول میں تبدیلی کی گئی۔ وزیراعظم آج اہم اجلاس کی صدارت، رواں ہفتہ کراچی کا ایک روزہ دورہ کریں گے۔وزیراعظم عمران خان کی معاون خصوصی برائے اطلاعات ڈاکٹر فردوس عاشق اعوان نے کہا ہے کہ وزیراعظم کا آج (جمعرات) کراچی کا کوئی دورہ شیڈول نہیں۔ انہوں نے ٹوئٹر پر اپنے بیان میں وزیراعظم کے جمعرات کے دورہ کراچی کی خبروں کی تردید کرتے ہوئے کہا ہے کہ وزیراعظم کے دورے کے پروگرام کے حوالے سے میڈیا کو آگاہ کیا جائے گا۔
